Тобы: «Зерттеуші бүлдіршін» ересектер тобы
Тәрбиешілері: Бегалиева К.У
Көптілеуқызы Ә

«Достығымыз жарасқан»

(1 Мамыр мерекесіне арналған іс-шара)

 

Мақсаты: Балалардың бірлік, ынтымақтастық туралы түсініктерін кеңейтіп, көп ұлтты халқымыздың тыныштығы мен бірлігін нығайтуға ат салысатын азамат болуға тәрбиелеу.
Жүргізушілер ортаға шығады; Фар-фар

Гүлфайруз (Корейс киімі) Бірлік пен ынтымағы халықтың Көгімізде жарасқан жарық күн! Ырыс, дәулет бақыты үшін халықтың, Жайнай берсін, жайнай берсін алтын күн!

Мейірхан: (Өзбек киімі) Достығымыз жарасқан Ақпыз,қара,сарымыз Қара жер мен көк аспан Ортақ дала туымыз

Ғабидин:(Орыс киімі) Ортақ жұтар ауамыз Ортақ жарық күніміз Достық туған анамыз Жердің қызы,ұлымыз

Ханшайым(Өзбек киімі) Қазақ елі қашаннан да жыр елі Тарихында тұлғалар көп киелі Қазақстан аясында бұрыннан Бірнеше ұлт өмір сүріп келеді- сіздердің қошеметтеріңізбен әр ұлттың киімдерін киген балалардың киімдер шеруін тамашалаймыз

---

Үнді: Әдемай, Айша, Тоғжан,Мағжан

Өзбек:Ханшайым,Бекжан, Еркежан,Мейірхан

Орыс: Мариям,Ғабидин,Айсұлу,Хантөре

Татар: Әмина, Айару,Нұрислам,Елдар

Түрік:  Аяла, Асыл,Шыңғыс

Корейс:  Гүлфайруз,Мүслима,Баршагүл

Қазақ: Сымбат,Гүлсая,Рахош,Елжан  балалардың ұлттық билерінен попури

• 
• 
• 
• 
• 
• 
• 
•  

---

Жүргізушілер ортаға шығады;
Мемлекеттік гимн орындалады

 

Гүлфайруз:«Достығымыз жарасқан»-атты кешімізге хош келдіңіздер, сөз кезегін балабақша меңгерушісі Қарлығаш Қапашқызына  береміз

Ән: «Бірлігіміз жарасқан» хор
Әмина:
Тілі бөлек болғанменен тілегі бір
Ұлы достық мәпелеген жүрегі гүл
Қазақстан барлық ұлтқа шаңырақ
Шайқалмастан шаттығымыз тіреп тұр
Еркежан:
Бойымызда әлі бұлақ жатыр бұрқырап
Сол бұлақтан сыр ағыздым жыр құрап
Тілейтінім барша ұлтқа бір ғана
Ырыс,бақыт, татулық пен ынтымақ
Бекжан:
Енді бүгін қарасам
Айналам бақыт кең жатыр
Бірімен бірі туысқан
Қол ұстасқан ел жатыр
Айсұлу:
Күте тұғын асыға әр күнін біз
Арналатын ең тәтті ән-жырымыз
Мерекелі мерейлі айдың басы
Құтты болсын бірінші мамырымыз!
Рахош
Мамыр қандай шіркін-ай, құлпырады
Күй толқын көңіліңе жыр тұнады
Жыл еркесі гүл мамыр, сұлу мамыр
Секілді адамзаттың ынтымағы

• 
• 
•  

Айсұлу;- достарым мен сендерге сұрақ қойсам жауап бере аласыңдар ма?
-Біз қандай мемлекетте тұрамыз?
-Қазақстан
Айару;-Біздің ұлтымыз қандай?
-Қазақ
Елжан; -ҚР Президенті кім?
-Қасым-Жомарт КемелұлыТоқаев
Баршагүл;- біздің туып өскен қаламыз қалай аталады?
-Қызылорда
Аяла; Бас қаламыз қандай қала?
-Астана
Сымбат;-Достар сендер қандай ұлт өкілдерін білесіңдер?
-Орыс, қазақ,татар, кәріс, өзбек, үнді, қырғыз
Бірге: Ортақ мекен жер шары
Төбемізде бір аспан
Барлық ұлттың баласы
Достығымыз жарасқан
Тәрбиеші: Балалар достар бір-бірін ренжітпейді, қиын жағдайларда бір-біріне көмек береді, осы ҚР тұратын әр ұлт өкілдері бір-бірімен әрқашанда дос, тек қана адамдар ғана емес бір-біріне көмек беретін, құстарда, аңдарда және жәндіктерде бір-біріне аяушылық білдіріп көмек береді, осы достыққа байланысты «Үш көбелектің достығы» ертегісін тамашалайық
Мүслима: Күн шуақты алаңқайда үш көбелек тату-тәтті өмір сүріпті. Олардың біреуі көк(Әдеміай),екіншісі қызыл(Мариям),үшіншісі сары (Айша) екен. Көбелектер гүлден гүлге қонып, күндерін көңілді өткізіпті.
Бірде тасыр-тұсыр жаңбыр жауады, көбелектердің қанаттары су болған көбелектер қайда тығыларын білмейді.Көбелектер ұшып Лала гүлге келеді

Әдеміай: Лалагүл, лалагүл! Бізді жаңбырдан тасалашы
Лалагүл - Баршагүл; Жарайды, көк көбелектің түсі маған ұқсайды екен, кел маған тығыл, ал сендер басқа жаққа тығылыңдар
Әдеміай көк гүл; Менің достарым су болып жүргенде, жалғыз өзім сенің саяңда қалай отырамын, оларды тасаңа алмасаң, онда менде отырмаймын,жүріңдер достарым кеттік- деп ұшып кетеді.
Мүслима: Үшеуі ұшып келеді, ұшып келеді, жаңбыр тоқтар емес, қараса қызғалдақ өсіп тұр екен

Мариям қызыл гүл; Қызғалдақ,қызғалдақ! Мұмкін болса жаңбыр басылғанша біз сенің ығыңа тығыла тұрсақ бола ма?

Қызғалдақ-Айару; қызыл көбелек маған ұқсайды екенсің, сені алайын жаныма, кел тығыл, ал басқа көбелектерге орын жоқ

Мариям: Сен менің достарымды қабылдағың келмесе, мағанда көмектеспей-ақ қой, тоңсақ бірге тоңайық,жүріңдер достарым,бұл жерден ұшып кетейік.-деп ұшып кетеді

Мүслима; көбелектер ұшып келе жатса сап-сары сарғалдақ гүлдерді көреді.

Сары гүл –Айша; О тамаша сарғалдақ жаңбыр тоқтағанша сені ықтай тұрайықшы?-дейді

Сарғалдақ- Сымбат: Жарайды, мен өзіме түстес сары көбелекті жаңбырдан қорғай тұрайын, басқаларың басқа жер іздеп табыңдар.

Айша: Жо-жоқ! Сен менің достарыма көмек бере алмасаң , мен де сені паналамаймын! Одан да су болғаным артық, жүріңдер достарым,кеттік,-деп ұшып кетеді

Мүслима: Көбелектердің бұл сөзін бұлттың ар жағында тығылып тұрған күн естіп қалады.

Күн-Тоғжан: Көбелектер мен сендердің дауыстарыңды бұлттың ар жағынан естіп, қуанып қалдым . дос деген осындай болу керек. Сендер нағыз керемет дос екенсіңдер, кәне менің шуағыма келіп қанаттарыңды кептіріп алыңдар.

Сендердің достықтарын мәңгілік болсын. Шын достар тек қиындықта сыналады деген осы шығар.

Мариям; Күнге жарқыраған күн сәулеңді шашып бүкіл әлемге жылуыңды бересің,

Айша;сенің шуағыңмен біз қуанамыз сізге мың алғыс!

Күн-Тоғжан: Сендердің достықтарың мәңгілік болсын, «Шын достар тек қиындықта сыналады» деген осы шығар

Мүслима: Мұнан кейін көбелектер  ешқашан лалагүл,сарғалдақ, қызғалдақ гүлдерге қонбайтын болыпты, міне  «Үш көбелектің достығы» ертегісі осылай аяқталыпты, топтағы достарымыздың достық туралы тақпақтарына кезек берейік:

Елдар:

Достық-шырағымыз

Достық-ұранымыз

Достық-туымыз

Достық әніміз

Хантөре:

Бейбітшілік ұраны

Жарқыраған алтын күн

Ән қанатты қыраны

Еркіндігі халқымның

Аяла:

Біз балдырған тең басқан

Дос құшағын кең ашқан

Тілегіміз әділдік

Ашық болсын кең аспан!

Шыңғыс:

Ағайын туған бар адам

Адалдық үшін жаралған

Бар қымбат туыстық

Баянды болсын тыныштық!

Ән: «Достық» әні хор

Тәрбиеші: 1 Мамыр мерекесі дүние жүзіндегі халықтардың достығы мен бірлігін атау күні. Біздің мемлекет бейбітшілікті жақтаушы, достықты жырлаушы, тыныштықты сақтаушы ел. Елімізде әр түрлі ұлттар тату-тәтті өмір сүруде. «Бірлігі жоқ ел тозады, бірлігі күшті ел озады»-деген халық мақалы біздің елге айтылған. Осымен  «Зерттеуші бүлдіршін» ересек тобының  «Достығымыз жарасқан» тақырыбында өтілген мерекелік кешіміз аяқталды, көріп тамашалағандарыңызға көп рахмет