Қызылорда қаласы «Алпамыс» бөбекжай бақшасы М.Мәметова атындағы Қызылорда педагогикалық жоғары колледжінің Бас ғимаратында өткізілген, «Өзін-өзі тану» рухани-адамгершілік бағдарламасын оқу-тәрбие үдерісіне енгізудегі Инновациялық іс-тәжiрибелер» тақырыбындағы облыстық ғылыми-практикалық семинарға қатысты.
Семинарға балабақшадан «Тәрбие жұмысын өзін-өзі тану пәнімен интеграциялаудың мүмкіндіктері» бөлімінде Махмутова Гүлмейрам Болатбекқызы «Алтын күз» тақырыбында ерікті студенттермен ықшамдалған практикалық жұмысын көрсетті.
«Өзін-өзі тану пәнін жалпы және кәсіби білім салаларымен ықпалдастыру» іс-тәжірибесінде Алмасова Жадыра Алтынбекқызы сурет оқу қызметі бойынша, «Табиғаттан үйренейік» тақырыбында ықшамдалған оқу қызметін көрсетті.
«Өзін-өзі тану пәні рухани-адамгершілік – білім бастауы» бөлімінде балабақша тәрбиешісі Ибраева Ақерке Аманжоловна өзін-өзі тану пәні бойынша «Мен әдепті баламын» тақырыбында еріктілермен ықшамдалған оқу қызметін көрсетті. Қатысқан педагогтар Арнайы Сертификаттар мен Алғыс хаттармен марапатталды. Семинар жоғары дәрежеде ұйымдастырылып өткізілді.
